بيقولوا عليّ نبات شــيـطاني.. اصل
انا بطلع كده ربانــــــــي
لا بتزرعـــني ايد فــــــــلاح.. ولا
يحتاجني حتي الجانــــــــي
قلب الصحرا هـــو مكــــاني.. مانا
طول عمري بقاسي وأعانـي
شمس بتحرقني في نــهـاري.. وفي ليلي
الساقعة هلكانـــــــي
هتموتوا من الــضــحك عليّ.. لو
قلتلكو بصاحب ميـــــــــــن
عارفين العقرب والــحــيــــة.. هما
أصحابي الطيبيـــــــــــــن
عرفتوا أنا مين يا بني أدمـين.. ولا
لسه مش عارفـيــــــــــــن
أنا الشوك المحـتـقـــــــــــــر.. بين
النبات وكل شيء مزروع
أنا النهارده بفــتخـــــــــــــر.. عملوني تاج فوق جبينك
يا يـسوع
ما بقتش اخجل أنــي شـــوك.. وانا
فوق جبين ملك الملــــوك
ده كل شوكة انغرست في جبينه.. نزفت
سيول من الدم بتحكي
ده حبه فاق كل الــعقـــــــول.. كل
المعاني والــحـــــــــــــدود
لو كان لي صوت هاصرخ وأقول.. هو
الإله رب الــوجــــــــــــود
لكن حقيقي ما كان بأيــــــدي.. أني
اجرحه وتسيل دمــــــــــاه
ده الـــذنب مش ذنبـــــــي أنا.. ده
ذنبكو انتو الخـطـــــــــــــاة
الشاعر ميلاد ثابت اسكندر
